Jazzkafé med Marie Klåpbakken og Thomas Tostrup

Ei musikalsk reise med to særprega låtskrivarar som utfyller kvarandre perfekt.

Bill.: 100,-
sveiobibliotek.hoopla.no

Marie Forr Klåpbakken (fødd 1. juli 1985) er ein norsk felespelar, vokalist og tekstforfattar, kjend for sin særprega stil som «ho med fela». Ho vaks opp på Vinstra i Gudbrandsdalen og byrja å spele fele som 11-åring. Klåpbakken har etablert seg som ein dyktig musikar og artist med ein unik kombinasjon av folkemusikk og pop.

Ho tok kandidatstudiet ved Norges musikkhøgskole i Oslo og fullførte mastergraden sin som folkemusikksolist våren 2010.

I 2012 debuterte ho med det kritikarroste albumet Framtida, som mellom anna inneheldt den nasjonalt kjende låta To unge vakre. Albumet opna dørene for hennar solokarriere. Oppfølgjaralbumet Her og Nå kom 7. februar 2025 og fekk strålande mottaking frå både kritikarar og publikum. Musikken hennar blir skildra som vakker, forteljande og full av varme.

Klåpbakken har jobba som frilansmusikar i ei rekkje store produksjonar og har delteke i tolv sesongar av Hver gang vi møtes på TV2. Ho har vore solist under Norsk Militær Tattoo i Oslo Spektrum, gjesta Beat for Beat på NRK1 og delteke i finalen i Melodi Grand Prix 2015 med låta Ta meg tilbake.

På Her og Nå vender ho «heim» til folkemusikken, i samarbeid med eit stjernelag av musikarar som Olav Mjelva, Oskar Reuter, Jens Linell, Bjørn Ole Rasch og Jon Roaldsnes. Songar som Alltid i hjertet og Pikerom inviterer lyttaren inn i eit personleg univers prega av nostalgi, kjærleik og livserfaring.

Marie Klåpbakken har over fem millionar avspelingsar på Spotify, og pressa har omtalt henne som ei av landets mest uttrykksfulle felespelarar og songarar. Stavanger Aftenblad skriv: «Melodiane er fine, tekstane glir lett, og Klåpbakken syng og spelar nydeleg.»
________________________________________
Thomas Torstrup er jazzpianist og organist, utdanna frå jazzlinja og kyrkjemusikkstudiet ved NTNU. Han debuterte i 2014 med jazzalbumet Snøkorn og har sidan gjeve ut fem album, både som pianist og organist. Våren 2026 kjem han med andrealbumet til Thomas Torstrup Quartet (Valagascar), der han mellom anna har laga jazzarrangement av musikken til Fartein Valen. Foto: Kristine Jakobsen