Økland-arkivet 1959-2019 inneheld mengder av dokument frå norsk skriftkultur som Einar Økland har teke vare på. Her er unike dokument, sjeldne originalmanuskript og utsøkte brevsamlingar, og nettverk blir avdekte som knapt har vore omtalte offentleg. Det digitaliserte arkivet utgjer over 9500 sider i meir enn 600 mapper. Den som leitar, vil finne tankevekkjande innsyn i norsk bokhistorie, kulturhistorie, litteraturhistorie, pressehistorie, politisk historie og nynorsk skriftkultur. Og dikting.