Naturparadokset med forfattar Marit Beate Kasin

Naturparadokset – om naturen vi mistar, og korleis vi kan få ho tilbake
Forfattar og journalist Marit Beate Kasin kjem til Sveio for å snakka om boka Naturparadokset – ei høgaktuell og engasjerande bok om korleis me byggjer ned naturen rundt oss, og kva som må til for å ta ho tilbake.
Har nordmenn sin hyttedraum blitt naturens mareritt? Kasin tek oss med til fjells, der ho viser korleis hyttebygging, alpinanlegg og vegutbygging trugar villreinen og øydelegg leveområda for mange artar. Samstundes peikar ho på håpet – gjennom historier om restaurering og artar som kjem tilbake, som fjellreven.

«Naturparadokset» er nominert til Brageprisen 2024, og boka løftar fram eit av dei viktigaste spørsmåla i vår tid: Korleis kan vi leva i og med naturen – utan å øydeleggja ho?
Om forfattaren:

Marit Beate Kasin (f. 1983) er journalist og sakprosaforfattar med bakgrunn frå miljøjournalistikk og naturforvaltning. Ho leda graveprosjektet Hytteparadokset og har tidlegare gitt ut Vinterdans – 1000 kilometer. 14 hundar. Éi kvinne. Ho bur i Valdres og er norsk meister i langdistanse hundekøyring.

Velkomen til ein kveld med innsikt, alvor og håp – om det viktigaste vi har: naturen!

GRATIS

Eit samarbeid med Samtidstru i Sveio